Kombëtarja e Kosovës U19 nga 18 marsi është duke qëndruar në Slloveni, atje ku deri më 26 mars do t’i zhvillojë ndeshjet e fazës ‘Elite Round’ për kualifikimet e Kampionatit Evropian 2024.
Dardanët bëjnë pjesë në Grupin 1, ku janë edhe Spanja, Austria dhe Sllovenia. Kjo e fundit është nikoqire e turneut kualifikues, shkruan GazetaBlic Sport.
Ndeshja e parë do të jetë në ditën e sotme, me djelmoshat e Kosovës U19 që do të përballen me kundërshtarët e tyre nga Austria, duke filluar nga ora 16:00.
Vetëm lideri i grupit kualifikohet për në Evropian.
/GazetaBlic Sport/
