Ambasadori i Shteteve të Bashkuara të Amerikës në Kosovë, Philip Kosnett e ka takuar sot kryetaren e re të Gjykatës Kushtetuese të Kosovës, Gresa Caka-Nimani, me të cilën tha se bisedoi lidhur me forcimin e gjyqësorit në Kosovë.
Kosnett ka shkruar në Twitter se qeveritë duhet t’i zbatojnë të gjitha vendimet e Gjykatës Kushtetuese.
“Me Kryetaren e re të Gjykatës Kushtetuese, Gresa Caka-Nimani, përsëritëm mbështetjen e SHBA-së për një gjyqësor të fortë dhe të pavarur. Që gjykatat e Kosovës të kenë sukses, qeveritë duhet t’i zbatojnë TË GJITHA vendimet e gjykatës”, shkroi Kosnett.
Ai shtoi se “Vonesat e vazhdueshme (në zbatimin e vendimeve të Kushtetueses) kërcënojnë angazhimet e Kosovës për drejtësi të barabartë dhe sundim të ligjit”.
With new Constitutional Court President Gresa Caka-Nimani, reiterated U.S. support for a strong, independent judiciary. For Kosovo’s courts to succeed, governments need to enforce ALL court decisions. Ongoing delays threaten Kosovo’s commitments to equal justice & rule of law. pic.twitter.com/kR2bkRi3FH
— Ambassador Philip S. Kosnett (@USAmbKosovo) July 12, 2021
Pesë vite më parë, Gjykata Kushtetuese e Kosovës ndër tjerash ka marrë vendim sipas të cilit i njihet e drejta e pronësisë Manastirit të Deçanit mbi 24 hektarë tokë. Këtë vendim SHBA-ja ka kërkuar që Kosova ta zbatojë.
Por, ky vendim nuk është zbatuar asnjëherë nga institucionet e Kosovës, konkretisht komuna e Deçanit, pavarësisht thirrjeve për një gjë të tillë nga komuniteti ndërkombëtar.
Simmons: Specialja u bë vetëm për t’i dënuar ish-komandantët e UÇK-së
