Në orët e vona të së premtes, në Aeroportin Ndërkombëtar “Adem Jashari”, oficerët doganorë në kuadër të zbatimit të planit operativ për luftimin e kontrabandës, kanë realizuar me sukses disa operacione të rëndësishme.

Sipas komunikatës për media nga ana e Doganës së Kosovës, në dy raste të veçanta, janë parandaluar përpjekjet për kontrabandimin e tetë telefonave të rinj (iPhone 16), të sapo dalë në treg për shitje. Të gjitha pajisjet janë konfiskuar.

“Ndaj personave të përfshirë janë inicuar procedurat kundërvajtëse në përputhje me ligjet në fuqi”, thuhet në komunikatë.