Christian Pulisic ka refuzuar klubin francez të Lyon.
Sulmuesi i Chelsea i ka thënë jo klubit francez pikërisht sepse preferon të transferohet te kuqezinjtë pasi tashmë ka një marrëveshje parimore me “Djajtë”.
Siç raporton “ESPN”, oferta e dorëzuar nga Lyon për Chelsea është më pak se 25 milionë eurot e kërkuara nga anglezët dhe një pjesë e konsiderueshme e ofertës përbëhet nga bonuse.
Lojtari amerikan te Milani do të fitonte shuma më të larta se sa do të merrte në Lyon. 25-vjeçari nuk e sheh kalimin në Francë si një lëvizje të duhur për karrierën e tij, duke qenë se ai dëshiron të vazhdojë të luajë në Champions League.
