Ka shumë mundësi që legjenda Paolo Maldini, ikona e Milanit dhe një nga mbrojtësit më të mirë në historinë e futbollit, të jetë drejtori i ri sportiv i Newcastle.

Pas raportimeve se drejtori aktual sportiv i “bardhezinjve” Dan Ashforth do të kalojë te Manchester United, drejtuesit e klubit kërkojnë Maldinin për pasardhësin e tij.

Maldini ishte deri vonë në strukturat drejtuese të Milanit, por u shkarkua.

Pas kësaj pati oferta që ai të niste punë në Arabinë Saudite, por italiani i refuzoi këto oferta.

Do të jetë interesante të shihet se si do reagojë Maldini nëse zyrtarisht merr një ofertë nga Newcastle.

/GazetaBlic Sport