Liverpool dhe Tottenham kanë luajtur baras.
Ndeshja pas 90 minutave lojë përfundoi me rezultat të barabartë 2-2, shkruan GazetaBlic Sport.
Realizatorët e golave për Spurs ishin: Son dhe Kane, kurse për Liverpoolin shënuan Jota dhe Robertson.
Liverpool nga minuta e 78’të e takimit mbeti me një lojtar më pak në fushë, pasi realizatori i golit të dytë, Andy Robertson u përjashtua nga loja për ndërhyrje të ashpër në Emerson.
Pas ndeshjes Klopp ka folur për media ku tha se ka problem vetëm me gjyqtarin që referoi sot, me të gjithë të tjerët është në rregull.
“Ne luajmë të mërkurën, të dielën dhe të martën. Është e pamundur, nuk kemi një lojtar. Mund të jemi pa një ose dy të tjerë, duhet menduar. Ne thamë para koronavirusit se do të ishte i dendur, dhe kjo na dha një goditje të drejtë”, tha ai.
“Nuk e di se çfarë problemi ka me mua. Unë kam qenë i emocionuar gjatë lojës, ai më dha një karton të verdhë. A nuk duhet të jetë i emocionuar në momente të tilla? Më mirë të merrte vendime të mira në fushë. “- tha Klopp. i cili i kishte thënë në mënyrë të ngjashme vetë Tierney-t pas ndeshjes në të cilën ekipi i tij luajti 15 minutat e fundit pa golashënuesin e përjashtuar Robertson.
Ai iu afrua gjykatësit dhe i tha:
“Nuk kam problem me asnjë gjyqtar, vetëm me ty. Të them sinqerisht, vetëm me ty. Nuk gjykove penallti të pastër, ai duhet të ndalojë për të gjuajtur. Unë kam problem vetëm me ty, ti kurrë nuk ka luajtur futboll”.
