Zbarkimi i emisarëve të SHBA-ve dhe të BE në Kosovë, Gabriel Escobar e Miroslav Lajçak, në dy ditët e kaluara ka mundur lehtësishtë të ‘prodhoi’ një marrëveshje ndërmjet Kosovës dhe Serbisë për çështjen e targave dhe dokumenteve për hyrje dalje në kufijt e Kosovës, për serbët që hyjnë e dalin në territorin tonë, raporton Gazeta Blic.
Burime të Gazetës nga takimet që kanë pasur Escobar e Lajçak me liderët e shtetit dhe opozitës kanë rrëfyer se kryeministri i Kosovës, Albin Kurti ka ‘lëshuar’ pe, dhe se tashmë zgjidhja po thuajse veç ekziston për 1 shtatorin.
Këto burime kanë rrëfyer se as SHBA dhe as BE nuk kanë kërkuar nga kryeministri Kurti shtyerjen e vendimit për targat serbe dhe dokumentet për hyrje dalje
“Nuk është kërkesë e parë e tyne. Është veç alternativë, nëse s’ka marreveshje, por zor me e shty”, ka thënë një burim i sigurt i GazetaBlic.
Sipas këtyre burimeve janë dy opsione për targat serbe.
“Ose vendimi i Qeverisë së Kosovës nis së zbatuarit ose në të kundërtën Serbia do të heqë dorë nga mosnjohja e targave RKS dhe të letërnjoftimeve” ka vazhduar burimi për GazetaBlic.
