Udhëheqësi suprem i Iranit, Ayatollah Ali Khamenei, hodhi poshtë bisedimet me SHBA-në, duke thënë se Uashingtoni nuk i intereson vërtet zgjidhja e problemeve.
“Arsyeja pse disa qeveri të paskrupullta përfshihen në negociata nuk është për të zgjidhur problemet, por për të imponuar interesat e tyre. Republika Islamike e Iranit sigurisht që do të dështojë t’i përmbushë pritjet e tyre,” tha ai në një takim me zyrtarët iranianë
Komentet ishin në përgjigje të një letre nga presidenti amerikan Donald Trump, ku ai propozonte bisedime mbi programin bërthamor të Iranit.
Sipas Khameneit, standardet e dyfishta të Perëndimit janë një “turp për qytetërimin”. Është e pamundur të pranohen krimet e Gjermanisë naziste gjatë Luftës së Dytë Botërore, ndërsa në të njëjtën kohë të mohohen krimet e izraelitëve në Rripin e Gazës.
Trump njoftoi propozimin e tij për bisedimet në një postim të Truth Social të Premten, duke thënë se i dërgoi një mesazh Khameneit. Misioni i Iranit në OKB i tha TASS se nuk e mori mesazhin. Ministri i Jashtëm iranian Abbas Araghchi i tha AFP se Teherani nuk do të zhvillojë bisedime me Uashingtonin për sa kohë që administrata Trump ndjek një politikë të presionit maksimal kundër vendit.
