Me përfundimin e gjysmës së xhiros së katërt të fazës së grupeve, u bënë të njohura dy skuadrat e para të kualifikuara për në fazën e 16-të.

Bayern Munich dhe Juventus, të vetmet skuadra deri më tani me katër fitore në kompeticion, tashmë kanë biletën për fazën tjetër, përcjell GazetaBlic Sport.

Skuadra gjermane e vulosi kualifikimin me një fitore ndaj Benfikës (5-2), duke arritur gjithsej 12 pikë në Grupin E, gjashtë më shumë se Barcelona dhe tetë më shumë se Benfica.

Juventus mundi me lehtësi Zenitin (4-2) dhe gjithashtu arriti në 12 pikë, tre më shumë se Chelsea dhe nëntë më shumë se Zenit.

Këtë të mërkurë, Ajax dhe Liverpool mund t’i bashkohen këtyre dy klubeve. Skuadra e Amsterdamit mund të vulosë kalimin me një triumf kundër Dortmundit dhe Reds duke mposhtur Atlético Madrid në shtëpi.

/GazetaBlic Sport/