Presidenti i Ukrainës ka mbajtur një tjetër fjalim. Volodymyr Zelenskiy thotë: “Përgjigja ndaj trupave ruse do të jetë një – urrejtje dhe përbuzje.”
“Dhe Forcat tona të Armatosura të Ukrainës do të vijnë në mënyrë të pashmangshme. Kjo është arsyeja pse fshatarët e zakonshëm ukrainas marrin rob pilotët e avionëve rusë të rrëzuar që bien në tokën tonë. Kjo është arsyeja pse “trupat tona të traktorëve” – fermerët ukrainas marrin pajisjet ruse në fusha dhe ia japin Forcave tona të Armatosura të Ukrainës. Në veçanti, modelet e fundit që Rusia është përpjekur t’i mbajë sekret. Dhe tash pushtuesit i lënë në tokën tonë dhe vetëm ikin. Në fakt ata bëjnë gjënë e duhur. Sepse për ta është më mirë të shpëtojnë sesa të vdesin. Dhe nuk ka dhe nuk do të ketë alternativa të tjera.”
Zelenskiy foli gjithashtu për çmimet që ai u dha ushtarëve të Gardës Kombëtare, të cilët ishin “dalluar në betejat me pushtuesit rusë”. Ai tha se kishte folur me presidentin polak dy herë – për refugjatët ukrainas në vend dhe për mbështetjen e armëve.
Presidenti i Ukrainës tha se vendet evropiane duhet të “rrisin ndihmën për Ukrainën”, duke shtuar: “Ne kemi pritur tashmë prej 31 ditësh”.
Ai lavdëroi gjithashtu ata ukrainas që ende mbrojnë Mariupolin, duke thënë: “Uroj të paktën një përqindje të guximit të tyre atyre që kanë menduar për 31 ditë se si të transferojnë një duzinë ose dy avionë ose tanke.”
Haxhiu thotë se s’ka sigurime shëndetësore deri në vitin 2024
