Lajme

Kaos në skenën politike në Mal të Zi, rrezikohet mandati i Kryeministrit Krivokapiq

06/17/2021 11:10
nga:M K

Mediat malazeze shkruajnë se kryeministri Krivokapiq “i ka ditët e numëruara” dhe se atë do ta zëvendësojë kryetari i partisë “Demos”, Miodrag Lekiq.

Konsultimet për këtë tanimë kanë filluar brenda koalicionit që përbëjnë shumicën në parlamentin e Malit të Zi, shtojnë mediat.

Kriza ka filluar pas iniciativës së Kryeministrit Krivokapiq për shkarkimin e Ministrit të Drejtësisë, të drejtave të njeriut dhe të pakicave, Vladimir Leposaviq, për shkak të qëndrimeve të tij për Srebrenicën.

Deputetët e Parlamentit të Malit të Zi sot do të deklarohen për këtë iniciativë të Kryeministrit Krivokapiq.

Partnerët e koalicionit kanë thënë se nëse Ministri Leposaviq shkarkohet me votat e partisë “DPS”, partia opozitare, atëherë Krivokapiq nuk do të mund të jetë më kryeministër nga koalicioni i tashëm qeverisës. Por, edhe nëse dështon votimi, Krivokapiq më nuk e gëzon mbështetjen e koalicionit.

Kryeministri Krivokapiq ka kërkuar shkarkimin e Ministrit Leposaviq pasi ky kishte refuzuar të jepte dorëheqje pas deklaratave që ka bërë me të cilat e mohon se në Srebrenicë ka pasur gjenocid.

LEXO EDHE:

Shkarkimi i Valdete Dakës, PDK do ta dërgoj në Kushtetuese vendimin e Vjosa Osmanit