Skuadra e Mallorcas është afër marrëveshjes më të madhe në historinë e klubit.
Skuadra spanjolle është pajtuar me PSG-në për të shituar yllin e skuadrës, Lee-Kang In, me PSG që është pajtuar të paguajë afro 22 milionë euro për të marrë shërbimet e koreanojugorit.
Ai ka bërë një sezon të shkëlqyer në Spanjë, duke dhënë paraqitje fantastike në krah të Vedat Muriqit, një dyshe që shkëlqeu dhe e ndihmoi Mallorcan të siguronte qëndrimin edhe për një vit në La Liga.
A mund të shitet edhe Vedat Muriqi gjatë merkatos së verës?
‘GazetaBlic Sport’ ka kontaktuar gazetarin më të afër të klubit të Mallorcas, Alberto Cercos, i cili tha se shitja e Muriqit nuk është në planet e klubit dhe ai do të qëndrojë tek Mallorca, pa asnjë dyshim.
“Për Muriqin nuk kemi dijeni për ndonjë ofertë apo interesim real nga skuadrat e tjera. Ai do të qëndrojë këtu. Pa dyshim“, tha Cercos.
Sipas faqes ‘Transfermarkt’, vlera momentale e Vedat Muriqit është rreth 15 milionë euro.
/GazetaBlic Sport/