Harry Kane u largua nga Tottenham në mes të gushtit dhe u transferua te Bayern në një transferim prej 95 milionë eurosh.

Kapiteni anglez po shkëlqen me fanellën e kampionit gjerman. Në 18 ndeshje, ai shënoi 22 gola dhe pati shtatë asistime, të cilat i realizoi duke jetuar në një dhomë hoteli. Domethënë, Kane nuk ka dashur të blinte menjëherë një shtëpi në Mynih dhe kaloi disa muaj duke kërkuar një vilë që do t’i përshtatej familjes së tij.

Kane pagoi 11 mijë euro natën në një hotel në Mynih. Ai mbërriti në Bayern më 12 gusht dhe më pas u transferua në hotel. Bild llogariti se Kane shpenzoi më shumë se një milion euro për dhomën e hotelit. Më saktësisht, anglezi për këtë shërbim ka ndarë 1.22 milionë euro.

Kane fiton rreth 22 milionë euro në sezon në Bayern dhe familja e tij prej pesë anëtarësh më në fund do të jetë në gjendje të transferohet në vilë.

Në të njëjtën vilë ka jetuar edhe Lucas Hernandez, i cili u largua nga Bayerni për PSG-në këtë verë.

/GazetaBlic Sport