Kandidati për kryetar të Prishtinës, Daut Haradinaj përmes një postimi në profilin e tij në facebook, ka njoftuar për suksesin që ka arritur kandidati i tij për asamble në Komunën e Prishtinës.

Haradinaj tha se është i nderuar që në mesin e listës së tij për asamble, ‘E para Prishtina’, ka edhe Orges Arifin. Orgesi mori titullin e kampionit në garën nacionale të karatesë në Shqipëri në kategorinë deri 60kg dhe kualifikohet për Botërorin që mbahet në Dubai.

Haradinaj tha se kjo është dëshmi se sportistët e kanë vendin e merituar në listën e tij.

“Sikurse çdo diciplinë sportive, edhe karatistët do ta gjejnë përkrahjen e parezervë të Komunës së Prishtinë”, përfundoi Haradinaj.