Katër grabitës hynë në shtëpinë e Angel Correas së Atletico Madrid. Cadena Cope shkruan se argjentinasi dhe familja e tij u kërcënuan me armë zjarri dhe iu kërkua të dorëzonin bizhuteri dhe para. Fatmirësisht nuk ka të lënduar dhe futbollisti ka njoftuar menjëherë policinë pas ngjarjes dramatike, e cila ka nisur hetimet.
Correa është anëtar i Atleticos që nga viti 2015, kur erdhi nga San Lorenzo i Argjentinës. Këtë sezon, ai bëri 23 paraqitje, pesë gola dhe një asistim për klubin madrilen, ndërsa me fanellën e klubit luajti gjithsej 397 ndeshje. Statistikat e përgjithshme thonë se ai shënoi 74 gola dhe asistoi 58 herë, përcjell GazetaBlic Sport.
Edhe pse kontrata e tij është e vlefshme deri në verën e vitit 2026, së fundmi është përfolur se ai mund të vazhdojë karrierën te Al Ittihad, klubi saudit për të cilin ndër të tjera nënshkroi edhe Karim Benzema këtë verë.
/GazetaBlic Sport
Ángel Correa sufre un robo en su casa con él y su familia dentro https://t.co/pIpfclwmGO
— MARCA (@marca) January 13, 2024
