Shefja e Politikës së Jashtme të BE-së, Kaja Kallas, e ka uruar Donald Trumpin për inaugurimin e mandatit të tij të dytë si president i Amerikës.

Nëpërmjet llogarisë së saj në “X”, Kallas thotë se mezi pret të vazhdojë partneriteti mes BE-së dhe Amerikës.

“Urime Donald Trumpit për inaugurimin e mandatit të dytë. Lidhja transatlantike ka sjellë prosperitet dhe forcë në të dyja anët e Atlantikut. Së bashku, jemi më të fortë dhe më të sigurt për të trajtuar sfidat globale. Mezi presim të vazhdojmë partneritetin tonë”, ka shkruar ajo.