Ricardo Izecson dos Santos Leite, i njohur në mbarë botën si Kaka, u sfidua të bënte njëmbëdhjetëshen e tij ideale, të përbërë nga të dy lojtarët me të cilët ndante dhomën e zhveshjes, si dhe nga ata me të cilët u përball gjatë karrierës së tij.
Për portën, siç zbulon gazeta spanjolle As , ai zgjodhi brazilianin Dida, me të cilin ishte në Milan dhe në kombëtaren braziliane, transmeton GazetaBlic Sport.
Duke zgjedhur një kuartet mbrojtës, Kaká zgjodhi tre lojtarë që ishin gjithashtu kolegë të tij në Milano: Cafu, Paolo Maldini dhe Alessandro Nesta, duke plotësuar mbrojtjen me Roberto Carlos, me të cilin u përball kur braziliani ishte në Real Madrid .
Në mesfushë, ai zgjodhi Andrea Pirlo (ish-shoku i skuadrës në Milan), Andres Iniesta dhe Zinedine Zidane.
Për sulmin, Kaka la jashtë Messin dhe zgjodhi një treshe të “Ronaldos” me të cilët ndau dhomën e zhveshjes: Cristiano, ‘Ronaldo Fenomeni’ dhe Ronaldinho.
Messi, i cili fitoi tetë herë trofeun e France Football , nuk hyri në këtë ekip ideal të ish-mesfushorit brazilian.
/GazetaBlic Sport/
