Dikush nga opozita po e mbështet vendimin e Qeverisë së Kosovës për dinarin.
Deputetja e AAK-së, Time Kadrijaj për emisionin “Expose”, prodhim i Gazeta Blic ka theksuar se vendimi i BQK-së është demokratik.
Magjithatë, zyrtarja e AAK-se po kërkon koordinim me ShBA-në dhe vendet tjera.
“Në Kushtetuën e Republikës së Kosovës dhe secili vend i pavarur e demokartik e ka valutën zyrtare”, tha ajo.
Sipas saj, me propozimin e BQK-së propozohet se valuta e Republikës së Kosovës është euro. Prandaj, shton ajo, është një veprim demokratik, sepse secili vend duhet me pas një valutë.
“Por ajo çka po kërkohet nga ndërkombëtarët është që mos të filloj menjëherë implementimi i kësaj valute, por t’i jepet kohë dhe atyre institucioneve që kanë punuar me dinarë”.
“Është veprim demokratik, Kosova duhet të ketë valuten e vet. Ajo çka po kërkohet nga aleatët tanë, është të mos filloj menjëherë implementimi i kësaj valute, dhe qeveria e ka obligim të bisedoj me aleatet tanë që Kosova të mos ketë sanksione të reja, dhe të mos nxis konfilkte të reja”.
Sipas saj, këto veprime mund ta tensionojnë situatën në veri të vendit, dhe kjo nuk është në të mirëtë Kosovës, por në favor të Serbisë dhe Rusisë.
“Tendenca e Serbisë është që të filloj një konflikt i ri ose të këtë një krizë tjetër, dhe Kosova nuk duhet t’i jep një adut të tillë Serbisë, e as ndonjë vendi tjetër në mënyrë që të nxit ndonjë tension. Por, fokusi është dashur të jetë në marrëveshjet ndërkombëtare, të cilat do të kishin qenë në përputhje me Kushtetutën e Kosovës”, tha ajo. Gazeta Blic.
