Vazhdon momenti i keq në shtëpinë e Juventusit, i cili pas gabimit të bërë në ndeshjen kundër Venezia sheh vendin e katërt dhe të fundit të vlefshëm për hyrjen në Champions League (edicionin e ardhshëm).
Në fakt, do të duhet një reagim i menjëhershëm nga skuadra bardhezi për të tentuar të mbyllet në mënyrën më të mirë të mundshme viti 2021, ndoshta duke fituar tashmë të shtunën në ndeshjen e “Dall’Ara” kundër Bologna.
Nuk do të jetë aspak e lehtë, si për humorin shumë të ulët që mbretëron brenda “Zonjës së Vjetër”, por mbi të gjitha nga mungesat e shumta, para të cilave Max Allegri duhet të gjunjëzohet.
Mbi të gjitha spikasin mungesat e Dybala dhe Chiesa, thelbësorë për manovrat sulmuese dhe për gjithë fazën e lojës së bardhezinjve. Këta të fundit tani do të duhet të mbështeten vetëm te Locatelli dhe Bonucci në ndërtimin e lojës.
Ndërkohë, Bonucci përfundoi në qendër të një episodi të veçantë dhe kurioz. Siç shihet edhe përmes profilit të Leonardo Bonuccit në Instagram, në fakt, kampioni i Evropës ia ka dhuruar njërën nga fanellat e Juventusit Papa Françeskut.
Ky suvenir i veçantë iu dorëzua Atit të Shenjtë nga Benilde Mauri, si dhe presidenti i “AGOP Onlus”, një kompani ku mbrojtësi nga Viterbo është imazh. Më poshtë është mesazhi i publikuar prej tij: “Presidentja Benilde Mauri takoi Papën me fëmijët e saj dhe i dha atij fanellën me dedikim nga Leonardo Bonucci”.
