Juventus janë të interesuar për mbrojtësin e Benfica, Antonio Silva, ka bërë të ditur agjenti i tij Jorge Mendes. Portugezi është një prioritet për bardhezinjtë, të cilët kanë gjithashtu një alternativë – Andreas Christensen të Barcelonës.

Mbrojtësi danez i katalanasve pësoi një dëmtim të tendinit të Akilit në fillim të sezonit dhe u hoq nga lista e La Ligës.

Juventusi është në kërkim të një mbrojtësi për shkak të dëmtimeve të rënda të Bremer dhe Juan Cabal, të cilët janë jashtë për pjesën e mbetur të sezonit. Kapiteni Danilo ka të ngjarë të ndahet me ekipin. Inter dhe Manchester United janë gjithashtu të interesuar për Christensen.

Zonja e Vjetër do t’i ofrojë Barcelonës një marrëveshje huazimi për Andreas Christensen nëse nuk arrin të sigurojë shërbimet e Antonio Silvës. Danezi është gati të largohet pasi nuk përshtatet në planet e trajnerit Hansi Flick.

/GazetaBlic Sport