Juventusi do të konsiderojë shkarkimin e Massimiliano Allegrit nëse ndeshjet e tyre të radhës në Serie A kundër Fiorentinës dhe Torinos kanë një “rezultat negativ”, raportoi gazeta italiane Tuttosport të martën.

Allegri është nën vëzhgim pasi Juventus ka vetëm shtatë pikë nga nëntë ndeshjet e fundit, duke fituar vetëm një herë. Bianconerët presin Lazion në Allianz Stadium sonte në ndeshjen e parë të gjysmëfinales së Kupës së Italisë, por sipas Tuttosport, puna e Allegrit në Torino do të varet nga dy ndeshjet e ardhshme të ligës.

Sipas raportit, Juventusi do të konsiderojë seriozisht shkarkimin e Allegrit nëse rezultatet e dobëta vazhdojnë ndaj Fiorentinës dhe Torinos. Megjithatë, nëse tekniku italian fiton Kupën, objektivi që do të duhet të arrihet është një përfundim në top 5, pasi Italia nga viti i ardhshëm do të ketë pesë skuadra në Champions League.

Tuttosport pranon se shkarkimi i Allegrit para përfundimit të sezonit do të ishte një vendim i vështirë me shumë pikëpyetje, por në të njëjtën kohë, të mos bësh asgjë do të thotë të pranosh fatin pa bërë më të mirën.

/GazetaBlic Sport