Trajneri i Juventusit, Thiago Motta, ka identifikuar mbrojtësin e AC Milan, Fikayo Tomori, si një nga objektivat e tij kryesore për afatin kalimtar të janarit, sipas Fabrizio Romano.

Edhe pse nuk ka pasur bisedime të drejtpërdrejta mes dy klubeve, Juventus thuhet se është i prirur për nënshkrimin e Tomorit.

Pavarësisht se është titullar i rregullt në Ligën e Kampionëve, Tomori nuk ka nisur asnjë ndeshje në kampionat për Milanin që nga tetori.

AC Milan thuhet se është i gatshëm të lërë Tomorin të largohet, por vetëm nëse marrin një ofertë të rëndësishme.

Kuqezinjtë thuhet se po kërkojnë rreth 25 milionë euro për mbrojtësin. Juventusi do të duhet të përmbushë këtë vlerësim nëse shpreson të sigurojë nënshkrimin e Tomorit në janar.

/GazetaBlic Sport