Juventusi raportohet se është rikthyer në garë për të nënshkruar me Karim Adeyemi nga Borussia Dortmund, pasi lojtari ka vendosur të qëndrojë në Bundesligë për pjesën e mbetur të sezonit 2024-2025, gjë që përjashton një lëvizje të menjëhershme te lideri i Serie A, Napoli.

Adeyemi ishte një nga dy lojtarët që Napoli kishte synuar si një zëvendësues i mundshëm për Khvicha Kvaratskhelia, i cili u largua për t’u bashkuar me Paris Saint-Germain për një tarifë më të madhe se 70 milionë euro, transmeton GazetaBlic Sport.

Megjithatë, sipas disa mediave në Itali të martën në mbrëmje, Adeyemi tani ka vendosur të qëndrojë me Dortmundin të paktën deri në verë, që do të thotë se ai nuk do të transferohet te Napoli në janar .

Kjo vjen si një nxitje për Juventusin, i cili kishte bërë përpjekje për të nënshkruar me gjermanin katër herë gjatë verës. Raportet e asaj kohe pohuan se palët ishin në diskutime për një kontratë pesëvjeçare me vlerë rreth 3.5 milionë euro në sezon në paga.

Sipas raportimeve nga eksperti i transferimeve , Alfredo Pedulla , bardhezinjtë mund të përpiqen të nënshkruajnë sërish me 23-vjeçarin në verë.