Mbrojtësi i Manchester Cityt, Josko Gvardiol, i ka paralajmëruar Arsenalit se nuk ka vend për gabime në garën për titullin e Premier Ligës pas fitores së fundit të Cityt.

Manchester City shfrytëzoi humbjen 2-1 të Arsenalit ndaj Aston Villas të shtunën, duke siguruar një fitore 3-0 ndaj Sunderlandit dhe duke ulur epërsinë e Topçinjve në vetëm dy pikë, përcjell GazetaBlic Sport.

Duke folur me gazetarët, Gvardiol tha: “Para së gjithash, ata kanë një ekip të mirë. Nuk janë vetëm ata, është Aston Villa, Chelsea është i mirë. Sunderland dy javë më parë ishte atje në krye. Nuk do të jetë e lehtë dhe sezoni është i gjatë.

“Nuk jemi as në gjysmën e rrugës. Ka ende shumë ndeshje për të luajtur. Jemi dy pikë prapa, kështu që po i afrohemi kreut. Do ta shohim në fund. Çdo ndeshje është e rëndësishme dhe duhet të fitojmë çdo ndeshje. Janë tre pikë të rëndësishme”, përfundoi ai.

/GazetaBlic Sport