Jose Mourinho pranon se Roma ka një problem serioz pasi Nicolo Zaniolo refuzoi Bournemouth. 

Italiani e bëri të qartë se dëshironte të largohej në afatin kalimtar të janarit, por Milani nuk arriti të pajtohej me kushtet dhe lojtari hodhi poshtë ofertën me vlerë mbi 30 milionë euro nga skuadra e Premier League, Bournemouth, përcjell GazetaBlic Sport.

Tani ekziston rreziku shumë real që Zaniolo mund të mbetet në Stadio Olimpico për gjashtë muaj, me asnjëra palë që nuk ka ndërmend të zgjasë kontratën që skadon në qershor 2024.

“Zaniolo ka një muaj që thotë se dëshiron të largohet. Fatkeqësisht, duket se kisha të drejtë”, tha Mourinho në një konferencë të tensionuar për shtyp.

Trajneri kishte thënë pas ndeshjes së fundit kundër Spezias se kishte besim se Zaniolo do të mbetej sepse ofertat në tavolinë ishin ‘të padenja’ për të apo për klubin.

“Unë them për fat të keq, sepse lojtari ka një muaj që thotë se dëshiron të largohet. Nëse një lojtar u thotë të gjithëve se nuk dëshiron të veshë më fanellën e Romës, më duhet ta them për fat të keq.

“Situata ideale është që lojtari të jetë i lumtur. Unë thashë se prisja që ai të qëndronte, por siç janë gjërat sot, më duhet të shtoj për fat të keq kësaj fjalie.”

/GazetaBlic Sport/