Mesfushori i Italisë dhe Chelsea-t, Jorginho theksoi se ata nuk dorëzohen kurrë dhe u zotua se do të përgatiten mirë për play-off-et në mars.

Azzurrët janë në shortin për play-off kualifikues për Kupën e Botës pas barazimit 0-0 me Irlandën e Veriut të hënën, përcjell GazetaBlic Sport.

Jorginho, i cili humbi dy penallti në dy ndeshjet kundër fitueses së grupit Zvicër, u dërgoi një mesazh tifozëve italianë në rrjetet sociale pas rezultatit zhgënjyes në Grupin C.

Italia përfundoi e dyta pas zviceranëve dhe është e detyruar të luajë në play-off për të rezervuar një biletë për në Katar 2022 vitin e ardhshëm.

“Shumë herë futbolli të ‘dënon’ me rezultate të vështira që të lëndojnë”, shkroi Jorginho në Instagram.

“Por kjo me siguri nuk do të na bëjë të ulim kokën dhe të humbasim objektivin tonë…

“Ne po përgatitemi mirë për muajin mars, i cili do të jetë një tjetër betejë. Do të jetë e vështirë dhe ne e dimë, por ne jemi Itali, Itali mos u dorëzo kurrë”.

/GazetaBlic Sport/