Javier Pastore do ta jetojë si tifoz finalen mes Argjentinës dhe Francës. Ish-mesfushori sulmues i Romës dhe PSG-së foli për Messin dhe paraqitjet e tij të jashtëzakonshme në këtë Botëror: “Ai më bëri përshtypje. Leo duket shumë i pjekur dhe i stërvitur mirë.

E vërteta është se ai e përballoi këtë Botëror me shumë presion, siç ndodh gjithmonë. në Argjentinë. Ai është lojtari më i mirë në botë dhe ne e konsiderojmë atë shpëtimtarin, të zgjedhurin, atë që mund të na bëjë të fitojmë trofeun.

Mendoj se ai po e menaxhon të gjithë këtë shumë mirë”, tha ai për L´Equipe. “Ai është duke pasur një turne të jashtëzakonshëm, ndoshta një nga më të mirët, të paktën në aspektin statistikor, me 5 gola dhe 3 asistime. Ai gjithmonë ka luajtur një rol të rëndësishëm në të gjitha Kupat e Botës ku ka marrë pjesë, por në Katar ka shtuar gola, asistime dhe veprime mjeshtërore”.

Krahasimi me Maradonën: “Është normale që ne e krahasojmë atë me Maradonën, veçanërisht pas asaj që kemi parë në ndeshjet e fundit. Messi është i qetë, ai është një person i rezervuar që gjen gjithmonë fjalët e duhura dhe të matura. Ai është një lider në dhe jashtë fushës.

Në Kupën e Botës 2010 ai nuk foli aq shumë sa sot. Ai ishte introvert, i turpshëm, edhe nëse është akoma. Ai nuk është lojtari që bërtet, ai është një lider i lindur, ai gjithmonë ka qenë dhe gjithmonë do të të jetë për atë që ai përfaqëson”.