Gjatë javës së ardhshme, në Hagë do të mbahen katër seanca gjyqësore ndaj ish-krerëve të Ushtrisë Çlirimtare të Kosovës.

Hashim Thaçi, Kadri Veseli, Rexhep Selimi e Jakup Krasniqi do të dalin përpara trupit gjykues nga e hëna deri të enjten.

Në seancën e fundit që u mbajt të enjten, u dëgjua deklarata e dëshmitarit të 106-të të Zyrës së Prokurorit Special.

Ndërkohë, të premtën do të mbahet seanca ndaj Pjetër Shalës, ku do të shpallet urdhri për zhdëmtim.

Ndaj këtij të fundit, Gjykata refuzoi kërkesën për mosparaqitje ose shtyrje të seancës.