Sulmuesi i Real Madridit, Rodrygo e ka përshkruar Manchester Cityn si skuadrën më të mirë në botë dhe pranoi se ai dhe shokët e tij nuk donin të përballeshin me ta në çerekfinale të Ligës së Kampionëve.

“City është një kundërshtar me të cilin, të jem i sinqertë, nuk donim të përballeshim. Dhe ata mendojnë të njëjtën gjë: ata nuk donin të luanin kundër nesh. Është një lojë që të gjithë presin të jetë finale, por do të jetë tani. Man City është shumë i mirë, por ekipi ynë është gjithashtu shumë i fortë. Do të jetë mirë t’i takojmë përsëri”, tha Rodrygo për mediat ndërkombëtare.

Madridi është tetë pikë përpara në krye të La Ligës, ndërsa City është në një luftë të ngushtë trepalëshe për titullin e Premierligës, por Rodrygo beson se skuadra e Pep Guardiolës paraqet sfidën më të vështirë të mundshme.

“Pa dyshim,” tha ai.

“Ata janë fituesit e Ligës së Kampionëve, ata janë kampionët e botës, sot ata janë skuadra më e mirë në botë, kështu që ne kemi respekt të plotë për ta”, përfundoi ai.

/GazetaBlic Sport