Jan Vertonghen do t’i japë fund karrierës së tij futbollistike pas këtij sezoni.

“Në javët e fundit është bërë e qartë për mua se këto do të jenë ndeshjet e mia të fundit. Ky nuk është absolutisht një vendim i lehtë, por është i duhuri,” tha Vertonghen në faqen e internetit të klubit të Anderlecht .

“Kam vënë re se po bëhet gjithnjë e më e vështirë të përgatitem fizikisht për stërvitje dhe ndeshje dhe të tregohem si lojtari që dua të jem. Jo vetëm ndaj tifozëve dhe shokëve të mi, por edhe ndaj vetes. Prandaj do të pensionohem pas këtij sezoni”, përfundoi ai.

Ai do të pensionohet pas play-off-it me Anderlechtin dhe finales së kupës.

/GazetaBlic Sport