Izraeli ka filluar të lirojë dhjetëra të burgosur palestinezë pasi Hamasi liroi tre pengje izraelitë.

Ky është shkëmbimi i fundit i tillë sipas armëpushimit në Rripin e Gazës që u mbajt muajin e kaluar, shkruan AP.

Gazetarët e Associated Press panë një autobus me disa dhjetëra të burgosur palestinezë që po shkonte në një pikë takimi ku po prisnin familjet, miqtë dhe dashamirës të tyre.

Më herët, militantët e udhëhequr nga Hamasi liruan tre pengje të tjerë, të gjithë civilë izraelitë, si pjesë e marrëveshjes që ka ndërprerë luftën në Rripin e Gazës.