Mike Tyson iu bashkua miliona njerëzve të pikëlluar për humbjen e një prej futbollistëve më të mëdhëenj në histori, Pele, i cili ndërroi jetë në Brazil të enjten pasi kaloi muaj në spital pasi kanceri e kishte “pushtuar”, derisa i mori jetën përfundimisht.

Boksieri legjendar kujtoi se ishte 21 vjeç kur përmbushi ëndrrën e tij për të takuar një nga sportistët e mëdhenj që bota ka parë ndonjëherë.

“Isha 21 vjeç duke jetuar ëndrrën e takimit me një nga më të mëdhenjtë. Ai ishte një burrë pozitiv dhe i sjellshëm pa asnjë të keqe dhe nuk fliste keq për askënd. Pusho në paqe”, shkruan legjenda e boksit.

Së fundmi në një episod në podcastin e tij, ish-boksieri vlerësoi Pelen si një nga më të mëdhenjtë e të gjitha kohërave të futbollit. Snoop Dogg, një nga reperët më të njohur në botë, u pajtua me vlerësimin dhe shtoi se Pele duhet të flitet në të njëjtën frymë si atletët e tjerë historikë, si Muhamed Ali./ h.ll/abcnews.al