Ish-Ministri i Punës dhe Mirëqenies Sociale, Skender Reçica ka vizituar Jakup Krasniqin në qendrën e paraburgimit në Hagë.
Reçica, një nga bashkëpunëtorët e ngushtë të Krasniqit për vite me radhë ka thënë se është e rëndë për të gjithë, që ish- luftëtarët e lirisë të mbahen me akuza të ndërtuara në Beograd.
Postimi i plotë:
Një takim krejt ndryshe në qendrën e paraburgimit në Hagë me bacën Jakup Krasniqin, Zëdhënësin e Ushtrisë Çlirimare të Kosovës, zërin e lirisë së saj.
Shumë ndjenjë e përzier në këtë takim, që dukej se zgjati sa vite të tëra, vendi ku u takuam, ndërsa shpejtë si vetëtima për përmbajtjen dhe kuptimin e plotë e përmbajtësor, skalitur me burrëri e qëndresë nga baci Jakup dhe z. Kadri Veseli që i takova.
E rëndë për të gjithë ne, që ish luftëtarët e lirisë mbahen me akuza të ndërtuara në Beograd.
Baci Jakup dhe ju Çlirimtarë, vepra e juaj është Liria, ju jeni vet emri i saj.
