Gabi Fernandez, ish-kapiteni i Atletico Madrid dhe tani trajner i Getafe B, foli për Onda Madrid në lidhje me ndeshjen që Colchoneros do të luajnë kundër Interit në ndeshjen e dytë të 1/16-tës së Ligës së Kampionëve.

Ekipi i Atletico Madrid pësoi humbje në Itali nga Interi me rezultatin e ngushtë 1-0, teksa synon rikthimin e rezultatit pas 2 javësh, përcjell GazetaBlic Sport.

“U nis nga një rezultat negativ, por duke e njohur trajnerin e tij dhe lojtarët, jam i bindur se ata do ta kthejnë rezultatin”, ka thënë ai.

“Ata janë lojtarë që rebelohen dhe japin gjithçka në situata të vështira. Ata kanë një trajner që sa më të vështira të jenë situatat, aq më shumë rebelohet dhe më shumë përpiqet të shtyjë ekipin. Në La Liga situata është e komplikuar, por në Champions për mendimin tim ai ka gjithçka për t’ia dalë”.

“Atmosfera e krijuar mes tifozëve do të jetë e rëndësishme dhe fillimi i ndeshjes do të jetë gjithashtu i rëndësishëm. Ndeshja e parë ishte e vështirë, kushdo mund të kishte fituar, por Interi fitoi për shkak të gabimeve specifike. Atletico ka aftësi për të mposhtur këdo. Unë e besoj, ata mund të kalojnë”, përfundoi ai.

/GazetaBlic Sport/
​