Kandidati për deputet nga radhët e PDK-së, Isak Neziri bashkë me kryeministrin e ardhshëm, Bedri Hamzën kanë mbajtur tubimin e radhës në Bair, në fshatin e Kadri Veselit.

Bashkë me shumë simpatizantë të PDK-së, të pranishëm ishin edhe vëllezërit e kryeparlamentarit Kadri Veselit, që po mbahet padrejtësisht në Hagë me çlirimtarët tjerë.

Isak Neziri ka shkruar se sivjet do të festohet dy herë në Bair, një herë për fitoren e PDK-së dhe pastaj për kthimin e çlirimtarëve.

“Bashkë me kryeministrin e ardhshëm, Bedri Hamzën në Bairin e Kadri Veselit, kryetarit tonë. Të nderuar nga prezenca e vëllezërve të kryetarit Veseli, e nga përkrahja e pashoq e banorëve fisnik të këtij vendi, ndjemë jehonën e fitores së madhe të PDK-së me 9 shkurt. Edhe në Bair festojmë sivjet dy herë!”, ka shkruar Neziri.