Interi e ka nisur keq sezonin e ri në Serie A.
Kampioni i Italisë barazoi 2:2 në udhëtim ndaj Genoas, në xhiron e parë të elitës së futbollit italian, duke e nisur jo mirë mbrojtjen e titullit të kampionit.
Pas ndeshjes, trajneri i Interit, Simone Inzaghi tha se nuk duhet të pësojnë gola në minutat e fundit.
“Pati zhgënjim. Sipas mendimit tim, djemtë luajtën një ndeshje serioze dhe të përqendruar. Patëm një pjesë të parë të mirë, ku krijuam shumë dhe pësuam një gol fatkeq, një aksident. Pastaj ishim të mirë në rikuperim,” tha Inzaghi për DAZN.
“Në pjesën e dytë ishim më të ngadaltë në lëvizjen e topit, pastaj në minutën e 84-të shënuam golin që na dha avantazhin, por ende nuk jam i kënaqur. Pas golit, duhej ta menaxhonim topin më mirë.
“Pësimi i dy golave në atë mënyrë e bën të vështirë të fitosh ndeshjet. Merita i shkon Genoa-s, por është një barazim që nuk na jep shumë kënaqësi duke parë atë që krijuam.
“Një ekip si i yni, që kryeson në minutën e 84-të, nuk duhet të pësojë më gola, sidomos në atë mënyrë.”
Inzaghi gjithashtu tha se sipërfaqet e lojës në stadiumin e Genoa-s gjithmonë kanë shkaktuar vështirësi për ekipin e tij.
“Ishin momente, sepse pashë një ekip që ishte i përqendruar, mendërisht. Nuk është fusha më e lehtë, gjithmonë kemi pasur vështirësi kur luajmë këtu, por kisha ndjenja të mira për sot.
“Po, të fitosh është e vështirë, ta fitosh përsëri është edhe më e vështirë. Djemtë e dinë këtë, ata janë mjaftueshëm të pjekur dhe për këtë arsye jam i zhgënjyer.”
