Simone Inzaghi lë të kuptohet se kjo humbje 5-0 ndaj PSG-së në finalen e Ligës së Kampionëve mund të jetë ndeshja e tij e fundit për Interin.

“Nuk dukej si skuadra ime. Do ta shohim gjatë ditëve të ardhshme dhe do të ulemi me klubin”, tha Inzaghi pas ndeshjes për Sky Sports Italia.

“Natyrisht, duhet të kishim bërë më mirë, por nuk do ta harroj atë që bënë djemtë këtë sezon. Është e vërtetë, ata përfundojnë pa asnjë titull, por prapëseprapë luajtën jashtëzakonisht mirë. U thashë atyre se në dhomën e zhveshjes duhet ta mbanin kokën lart. Ka zhgënjim sonte, por ky grup meriton komplimente”, vazhdoi ai.

Në mënyrë të pashmangshme, kjo do të rrisë pikëpyetjet mbi të ardhmen e Inzaghit, me raportime se ai është gati të pranojë ofertën prej 30 milionë eurosh për sezon nga skuadra arabe, Al-Hilal.

“Do të shihemi gjatë ditëve të ardhshme dhe do të ulemi me klubin. Pas humbjes së dytë në finale në tre vjet, ka shumë zhgënjim për të menduar tani. Do të ketë kohë për të folur me qetësi me klubin.”

“Presidenti dhe drejtorët ishin gjithmonë të pranishëm dhe përsëri qëndruan pranë nesh në dhomën e zhveshjes këtë mbrëmje”, përfundoi ai.

/GazetaBlic Sport