Operatori Sistemi, Transmisioni dhe Tregu (KOSTT), ka njoftuar që me qëllim për të krijuar kushte të sigurisë në punë dhe për të mundësuar një intervenim emergjent në transformatorin energjetik TR2 110/35kV në Nënstacionin 110/35/10kV Prishtina 1, do të bëhet shkyçja e këtij transformatori nga ora 12:00 deri në 15:00 të së enjtes.

Gjatë kësaj periudhe, një pjesë e qytetarëve dhe institucioneve që furnizohen nga ky transformator do të mbesin pa energji elektrike, me një reduktim të parashikuar prej 47 MW.

“Gjatë intervalit të lartcekur kohor, një pjesë e qytetarëve/institucioneve që furnizohen nga transformatori energjetik TR2 në NS Prishtina 1, do të mbesin pa furnizim me energji elektrike. (reduktimi i parashikuar 47 MW) Punimet në fjalë, realizohen me qëllim të rritjes së stabilitetit dhe sigurisë së furnizimit me energji elektrike nga aspekti i transmisionit për qytetarët e këtij rajoni që furnizohen nga NS Prishtina 1”, thuhet në njoftim.

KOSTT ka kërkuar mirëkuptimin e qytetarëve për këtë ndërhyrje të nevojshme.