Gjigantët italianë Inter raportuan të ardhura rekord prej 567 milionë eurosh në vitin e kaluar financiar.

Pasqyrat financiare për sezonin 2024/25 tregojnë të ardhura prej 567 milionë eurosh, një rritje prej 94 milionë eurosh krahasuar me sezonin e kaluar, transmeton GazetaBlic Sport.

Ky është një rekord jo vetëm për Interin, por edhe për futbollin italian në përgjithësi. Rekordi i mëparshëm mbahej nga Juventusi me të ardhura prej 464 milionë eurosh.

Të ardhurat rekord të Interit janë rezultat i rritjes së të ardhurave nga garat vendase dhe evropiane, si dhe pjesëmarrja në edicionin e parë të Kupës së Botës për Klube të zgjeruar.

Interi e mbylli vitin financiar me një fitim neto prej 35.4 milionë eurosh, krahasuar me një humbje prej 35.7 milionë eurosh në vitin e mëparshëm financiar.

/GazetaBlic Sport/