Milani u mposht 3-1 nga një Torino e karikuar në maksimum për të siguruar kualifikimin në Conference League.

Trajneri i kuqezinjve nënkampionë, Stefano Pioli uroi kundërshtarët për fitoren, ndërkohë që u ndal edhe te kritikat ndaj skuadrës së tij.

“Ndeshjet përballë Torinos janë gjithmonë fizike, plot duele dhe me shumë topa të dytë. Ata u treguan më të aftë se ne në këto aspekte.

Por më vjen keq që pësuam tre gola nga katër goditjet që Torino bëri në portën tonë.

Jemi në vendin e dytë, jemi më të mirët e normalëve. Pasi duhet theksuar se Interi ka zhvilluar një ampionat të jashtëzakonshëm, jashtë normales.

Kemi shfaqur vazhdimësi, kualitet dhe mentalitet, cilësi që na mundësuan të siguronim vendin e dytë në Serie A“, u shpreh Pioli.