Inter-Lazio është çifti i dytë gjysmëfinalist në SuperKupën e Italisë e cila zhvillohet në Riyadh, kryeqytetin e Arabisë Saudite. Zikaltërit dhe të kaltërit kërkojnë një biletë për në finalen e së hënës aty ku do të përballen me Napolin.
Trajnerët Simone Inzaghi dhe Maurizio Sarri, publikuan edhe formacionet zyrtare teksa zikaltërit e nisin me formacionin e tyre më të mirë ku në sulm spikat dyshja Lautaro Martinez, Marcus Thuram.
Nga ana tjetër, kryeqytetasit e nisin me rreshtimin 4-3-3, teksa në vijën e parë, Immobile sulmuesi kryesor, do të ketë edhe ndihmën e Felipe Anderson dhe Zaçagnit.
Sa i takon Kristjan Asllanit te Inter dhe Elseid Hysaj te Napoli, këtë sfidë e nisin nga stoli teksa mund të bëhen protagonistë përgjatë takimit.
Inter: Sommer; Pavard, Acerbi, Bastoni; Darmian, Barella, Calhanoglu, Mkhitaryan, Dimarco; Thuram, Lautaro Martinez
Lazio: Provedel; Lazzari, Gila, Romagnoli, Marusic; Guendouzi, Rovella, Vecino; Felipe Anderson, Immobile, Zaccagni
