Kryetari i Lipjanit njëherësh kandidat për kryetar të kësaj komune në zgjedhjet e 12 tetorit nga LDK-ja, Imri Ahmeti, ka vizituar stadiumin e ri në fshatin Magurë.

Ahmeti tha se ky objekt modern do t’i shërbejë klubit “KF Minatori” nga Magura.

Ai tha se ‘Magura po shndërrohet në një qytezë të vogël, të kompletuar me infrastrukturë bashkëkohore’.

“Po ashtu, pamë edhe objektet e vjetra banesore, të cilat do t’i rinovojmë me fondet e efiçiencës energjetike dhe parkun i cili është ndërtuar pas rrënimit të disa objekteve të vjetruara.Magura po shndërrohet në një qytezë të vogël, të kompletuar me infrastrukturë bashkëkohore.Magura ec përpara” shkruan Ahmeti raporton “Gazeta Blic”.

Postimi i plotë:

Sot, gjatë një vizite në fshatin Magurë, vizituam stadiumin e ri, një objekt modern që do t’i shërbejë klubit “KF Minatori” nga Magura.

Po ashtu, pamë edhe objektet e vjetra banesore, të cilat do t’i rinovojmë me fondet e efiçiencës energjetike dhe parkun i cili është ndërtuar pas rrënimit të disa objekteve të vjetruara.

Magura po shndërrohet në një qytezë të vogël, të kompletuar me infrastrukturë bashkëkohore.

Magura ec përpara!