Zëvendëkryeministri i Ukrainës, Mykhailo Fedorov, ka shpërndarë fotografinë e një oficeri rus përgjegjës për masakrën e forcave ruse në Bucha.
Fedorov, ka shkruar se oficeri rus pas vrasjes së civilëve u ka vjedhur gjësendet dhe ua ka dërguar familjarëve të tyre me postë.
“Ky është oficeri i forcave speciale ruse. Ai ka vrarë dhe ka grabitur civilët në Bucha, Irpin, dhe Hostomel. Tani ai po i dërgon gjërat e vjedhura tek familja e tij përmes zyrës postare. Janë mijëra të tillë por do t’a gjejmë secilin vrasës”, ka shkruar ai.
Masakra në Bucha nxiti reagimin ndërkombëtar, duke e cilësuar Putinin si përgjegjës të kësaj masakre.
Agjencia Qendrore e Inteligjencës së Ukrainës ka publikuar një listë të ushtarëve rusë që kryen masakrën në Bucha, rajonin e Kievit.
“Çdo ukrainas duhet t’i dijë emrat e tyre!” Agjencia Qendrore e Inteligjencës së Ukrainës ka publikuar një listë të ushtarëve që kryen krime lufte kundër popullit të Ukrainës në Bucha”, thuhet në deklaratë.
Inteligjenca theksoi gjithashtu se të gjithë kriminelët e luftës do të ndiqen penalisht.
Ju mund ta shikoni listën këtu. Në listë përfshihen emrat e ushtarëve, datat e lindjes, të dhënat e pasaportës, gradat, etj.
Më 31 mars, kryebashkiaku i Bucha-s Anatoliy Fedoruk, njoftoi se Forcat e Armatosura kishin çliruar Bucha-n dhe komunitetin lokal. Nuk dihet saktësisht se sa persona kanë vdekur gjatë pushtimit.
Të paktën 280 njerëz u varrosën në varre masive, tha kryebashkiaku i Bucha-s.
Në mesin e viktimave, është edhe një djalë 14-vjeçar. Shumë nga viktimat ishin të lidhur me pranga dhe fasho të bardhë, gjë që tregon se ata ishin të paarmatosur.
Megjithatë, kjo nuk i ndaloi pushtuesit, të qëllonin mbi civilët.
Here is the officer of russian special forces. He murdered and robbed civilians in Bucha, Irpin, and Hostomel. And now, he is sending all the stolen items to his family at one of BL post offices. There are thousands of them, but we will find every killer. pic.twitter.com/XDpU5mHb2I
— Mykhailo Fedorov (@FedorovMykhailo) April 4, 2022
