Ylli i Milanit, Theo Hernandez, me shaka i kërkoi falje legjendës Paolo Maldini pasi shënoi kundër Como dhe e kaloi legjendën e kuqezinjve për golat e Serie A.

Theo realizoi në fitoren 2-1 të Milanit kundër Como të martën, duke shënuar golin e tij të 30-të në Serie A dhe duke kaluar legjendën e klubit Maldini.

Ish-reprezentuesi italian shënoi 33 gola për Milanin gjatë karrierës së tij si lojtar, 29 prej të cilëve në ndeshjet e ligës.

“Një fitore e madhe e ekipit. I lumtur që arrita 30 gola me Milanin dhe bëra histori me këtë klub. Më vjen keq Maldini, por më kishe thënë”, ka shkruar Theo në postimin e tij të fundit në Instagram, duke ndarë një foto nga autobusi i ekipit dhe një me Maldinin, të realizuar kur ish-mbrojtësi i Milanit ishte drejtor klubi.

Përgjigja e Maldinit erdhi shpejtë, ndërsa ai shkroi: “Ti je i mrekullueshëm, Theo”, duke shtuar një emoji me zemër.

/GazetaBlic Sport