Në një intervistë me L’Equipe, Ivan Rakitic vlerësoi Ousmane Dembele-n. Mesfushori 37-vjeçar kujtoi se u kishte thënë shokëve të tij të ekipit të FC Barcelona-s se sulmuesi aktual i PSG-së kishte diçka të veçantë dhe se një ditë mund të bëhej fitues i Topit të Artë.

“Kur ai mbërriti në Barcelonë, menjëherë u thashë shokëve të mi të ekipit se ky djalë kishte diçka të veçantë dhe se mund të bëhej fitues i Topit të Artë. Ai mund të bëjë një ndryshim të madh falë cilësive të tij dhe e bën këtë me kaq lehtësi”, tha Rakitic, përpara se të shprehte lumturinë e tij për suksesin e Dembele-s:

“Jam i lumtur dhe krenar që shoh atë që ka arritur, por edhe që shoh se është i lumtur. Mendoj se është shumë e rëndësishme për të që është takuar me Luis Enrique-n. Ky mund të jetë fillimi i disa viteve dominim në nivelin më të lartë.”

“Shpresoj që ai të mos vuajë më nga lëndime. Por jam i sigurt – dhe mund ta shoh – se ai është një lojtar që kënaqet duke luajtur. Ne ndamë momente të mrekullueshme së bashku në Barcelonë dhe jam i lumtur që ia doli. Ai e meriton plotësisht.”

/GazetaBlic Sport