Ekrem Hyseni, kandidat i LDK-së ëpr deputet, ka thënë se Siboci është ngritur në këmbë, në të njëjtën frymë, të njëjtën bindje, të gatshëm për ndryshim, raporton Gazeta Blic.

“Në Sibocin e Lidhjes sonë, bashkërisht me Kryetarin e LDK-së, kryeministrin në ardhje, Dr. Lumir Abdixhiku dhe me kandidatët për deputet ishim sonte t’i dëgjonim një nga një sfidat e mëdha të njerëzve punëtorë e besnik. Dëshpërimin e zhgënjimin e kanë të madh me këtë qeveri, por shpresën e kanë më të fuqishme se do ta bëjnë ndryshimin”, ka shkruar ai.

Postimi i tij i plotë:

Siboci i Lidhjes sonë

Janë ringritur të gjithë, janë bërë një, në të njëjtën frymë, të njëjtën bindje, të gatshëm për ndryshim!

Në Sibocin e Lidhjes sonë, bashkërisht me Kryetarin e LDK-së, kryeministrin në ardhje, Dr. Lumir Abdixhiku dhe me kandidatët për deputet ishim sonte t’i dëgjonim një nga një sfidat e mëdha të njerëzve punëtorë e besnik.

Dëshprimin e zhgënjimin e kanë të madh me këtë qeveri, por shpresën e kanë më të fuqishme se do ta bëjnë ndryshimin.

Jo vetëm se morëm përkrahje të parezervë, por na e thanë qartë se janë mobilizuar shumë, janë mobilizuar fort në çdo lagje e në çdo shtëpi që ndryshimin ta bëjnë realitet më 9 shkurt.

Ky besim e ky përkushtim që tashmë po ndihet e shihet kudo në Llap e Gollak, vërtetë të bën nder e të jep frymëzim!