Showtime

Hyri për të hequr bajamet, miss-i u vdes në dorë mjekëve

06/21/2022 18:45
nga:G B

Hyn për të hequr bajamet, por një procedurë e gabuar e mjekëve i merr jetën. Bëhet fjalë për një mbretëreshë burkurie e kurorëzuar më parë si Miss Brazili.

Gleycy Correia, 27 vjeçe nga Macae, në juglindje të Brazil, vdiq më 20 qershor pasi operacioni e la të ndjerën me gjakderdhje masive e që më pas shkaktoi arrest kardiak. Correia ndërroi jetë në një klinikë private pasi kaloi rreth dy muaj në gjendje kome prej operacionit që kreu në prill. Pesë ditë pas operacionit ajo kishte nisur hemoragji që e la në gjendje kome derisa ndërroi jetë një ditë më parë.

Correia ishte kurorëzuar Miss e and Miss Costa do Sol në vitin 2018.

Në një deklaratë zyrtarët e kompaticionit Miss Brazil Official shkruanin: “Gleycy do të mbahet mend gjithmonë për bukurinë, gëzimin e simpatinë e saj”. Pastori Jak Abreu, i cili njihte famijen e Gleycy, shkruante në rrjetet sociale e familjarët e saj besonin se kishte pasur gabime gjatë operacionit.

“Zoti zgjodhi këtë ditë të marrë princeshën tonë,” tha pastor Abreu. “Ne e dimë se mungesa do të jetë e madhe. Por do të gëzohemi nga qielli me buzëqeshjen e saj”.

Gleycy kishte më shumë se 52,000 ndjekës në rrjetet sociale. Pasi ajo ra në koma faqja nisi të përdorej për lutje. E ndjera kishte folur shpesh për origjinën e saj të thjeshtë, e rritur në varfëri në Brazil. Ajo kishte nisur punë si modele që kur ishte adoleshente pasi kishte punuar si manikyriste në një sallon bukurie.

“Ne nuk e dimë asnjëherë sa të fortë jemi derisa kjo të jetë zgjedhja e vetme”, shkruante ajo dikur në Instagram. “Nuk kam lindur në një djep të florinjtë, vij nga një familje shumë e thjeshtë, por jam shumë krenare për këtë”, shkruante e ndjera. Një hetim ka nisur për ekipin mjekësor.