Ambasadori i ShBA-së në Kosovë, Jeffrey Hovenier, në një intervistë ekskluzive në “Rubikon” në Klan Kosova tha se presin si nga Kosova ashtu edhe nga Serbia t’i përmbushin të gjitha obligimet e tyre të arritura në kuadër të dialogut të mundësuar nga BE-ja.
Ai tha gjithashtu se presin nga të dyja vendet që të përmbushen të gjitha detyrimet edhe në marrëveshjen bazë dhe në aneksin e implementimit të Ohrit.
“Mendoj se do të thosha se këshillat e vazhdueshme të qeverisë së Shteteve të Bashkuara për këtë dhe qeveritë e mëparshme të Kosovës janë që të angazhohen në dialogun e mundësuar nga BE-ja në një mënyrë të tillë që është konstruktive, që është aktive, që e merr këtë çështje me njëfarë urgjence dhe që e çon procesin përpara, tregon vullnetin politik për të kontribuar në mënyrë aktive, konstruktive dhe ndihmuese. Do të thosha se çdo listë me kushte apo kërkesa që pengojnë bisedimet ballë për ballë ka mundësi që nuk i plotëson të gjitha ato kritere”.
“Dhe shpresojmë që të dy liderët, që të dy, të gjejnë vullnetin politik për të gjetur gjuhën e përbashkët për të gjetur disa fitore për të dy palët për ta çuar procesin përpara. Do të jem i qartë: qeveria e Shteteve të Bashkuara të Amerikës e ka thënë disa herë dhe unë do ta them përsëri. Ne presim si nga Kosova ashtu edhe nga Serbia është që t’i përmbushin të gjitha obligimet e tyre të arritura në kuadër të dialogut të mundësuar nga BE-ja dhe të gjitha t’i përmbushin me njëfarë urgjence pa parakushte, si dhe pa i lidhur me çështje të tjera të jashtme. Kjo është çka presim. Kjo është ajo që ne shpresojmë të shohim”.
“Sërish, vetëm mund të shpreh pikëpamjet e qeverisë sime për këtë çështje dhe pikëpamjet e qeverisë sime janë më se të qarta. Kosova dhe Serbia – që të dyja – kanë hyrë në obligime, detyrime që ne i konsiderojmë ligjërisht të detyrueshme. Siç e kuptoj unë, edhe BE-ja mendon në të njëjtën mënyrë”.
“BE-ja e bëri të qartë këtë edhe me Serbinë kur i përfshiu të gjitha detyrimet në të cilat Serbia ka hyrë si marrëveshjen bazë dhe aneksin e implementimit të Ohrit direkt në kapitullin për anëtarësimin të Serbisë në BE. Bashkimi. Pra, ne kemi qenë të qartë. Vendet mund të shprehin vija të kuqe ose përjashtime, nuk e di. Por kjo nuk është pikëpamja jonë. Ne presim që Kosova dhe Serbia të përmbushë të gjitha detyrimet që ka hyrë në dialog dhe që përfshin të gjitha detyrimet dhe marrëveshjen bazë dhe në aneksin e implementimit të Ohrit”, u shpreh ai.
