Sporti

“Historia që inspiroi botën” – Bad News Eagles kryefjala e sotme e CSGO, lojtarët profesionistë botëror përgëzojnë shqiptarët

04/24/2022 16:55
nga:E K

Bad News Eagles janë padyshim kryefjala e ditës së sotme.

Gamerat shqiptarë kanë arritur të bëjnë mrekullinë duke eliminuar skuadrën çeke Sinners në kualifikim direkt për kompeticionin më të madh të vitit në CSG:GO, shkruan GazetaBlic Sport.

Kjo nuk ishte fitorja e tyre e vetme pasi në proces eliminuan edhe skuadrën ruse ASG dhe Entropiqteam, kurse pësuan edhe dy humbje nga NIP dhe G2.

Skuadra shqiptare arritën të fitonin 2:1 me maps ndeshjen vendimtare për t’u kualifikuar tutje në kompeticionin në të madh të CSGO “PGL Antwerp Major“.

“sinnopsyy_ juanflatrooo rigoNcs SENER1CSGO gxxcsgo” janë emrat e lojtarëve shqiptarë që janë bërë trend në të gjithë botën me historinë e tyre inspiruese.

Shumë gamera e mëdhenj botëror të lojërave elektronike kanë përgëzuar në Twitter shqiptarët duke njohur historinë e tyre që nisën të luajnë nga internet kafet e Kosovës dhe arritën të kualifikohen në garën më të madhe të CS:GO “PGL Antwerp Major”.

“Më duhet t’i përgëzojë Bad News Eagles, çfarë historie e bukur“, ka shkruar Dan Madesclaire lojtar i një nga skuadrave profesioniste të CSGO “TeamVitality”.

“Çfarë historie e çmendur, ju lumtë BNE” ka shkruar Nathan Schmitt.

Edhe kryeministri Kurti, ministri i Kulturës Rinisë dhe Sportit, si dhe lideri i opozitës, Memli Krasniqi i uruan gamerat shqiptarë për suksesin e tyre.

Kurti për fitoren historike të BNE në CS:GO: Bravo gamers

Ministri Çeku shprehet krenar me djemtë e CS:GO: Historike

/GazetaBlic Sport/

 

 

Lajme tjera