Milanit i është ofruar mesfushori i Liverpool, Naby Keita, por kuqezinjtë thuhet se nuk janë të sigurt për marrëveshjen pas transferimit të Divock Origit verën e kaluar.
Keita tashmë është në dispozicion si agjent i lirë pasi kontrata e tij në ‘Anfield’ skadon në fund të sezonit. Il Corriere dello Sport konfirmon se 28-vjeçari u është ofruar kuqezinjve në një transferim të mundshëm të lirë, por gjigantët e Serie A nuk janë të sigurt për kompletimin e marrëveshjes, transmeton GazetaBlic Sport.
Gazeta me bazë në Romë pretendon se kuqezinjtë i kanë pezulluar bisedimet, “veçanërisht duke pasur parasysh që transferimi i fundit nga Liverpooli, Origi, ka pasur vështirësi këtë sezon”.
Origi nënshkroi një kontratë 4 milionë euro në vit deri në vitin 2026 me gjigantët e Serisë A verën e kaluar, duke u transferuar si një transferim i lirë. Megjithatë, ai ka shënuar vetëm dy gola në 30 paraqitje në të gjitha garat, duke mos e justifikuar pagën e tij të majme.
Keita iu bashkua Liverpoolit nga RB Leipzig në një marrëveshje prej 60 milionë euro në 2018 dhe ka shënuar 11 gola në 129 ndeshje konkurruese me Reds.
/GazetaBlic Sport/